Россияның Чепсектиг Күштеринге шериг албан-хүлээлгезин эрттирер назы-хары четкен хамаатыларны 2022 чылдың апрель 1 – июль 15 үеде шериг кезектеринче келдиртир дугайында Чарлыкка Президент В. Путин холунуң үжүүн салып, бо чугула документини күш киирген.
18-тен 27 хар чедир назынныг, халажылгада эвес, ниитизи-биле 134 500 санныг аныяк эр кижилерни бо чазын шеригже келдиртир.
Шериг албан-хүлээлгезин күүседир хуусаазы төнген солдаттарны, матростарны, сержантыларны болгаш старшиналарны Президент В. Путинниң бо-ла Чарлыы-биле шеригден халаштырып чандырар.