Школачыларныӊ Бүгү-российжи олимпиадазыныӊ регионалдыг чадазы

Школачыларыныӊ Бүгү-российжи олимпиадазыныӊ регионалдыг чадазы январь 11-де эгелей берген.

Өөреникчилерниӊ билиин шупту 24 аӊгы эртемнерге шылгаар. Ниити ортумак школада өөренир кол-кол эртемнеринден аӊгыда, чамдык школачыларныӊ француз, немец, англи, кыдат дылдарны эки билирин хынаар.

Олимпиаданыӊ регионалдыг чадазы февраль 28-те доостур. Аӊаа тиилээн школачылар Бүгү-российжи олимпиаданыӊ түӊнел кезээнге киржир. Ооӊ тиилекчилеринге болгаш призёрларынга дипломнар тыпсыр. Дөрт чыл дургузунда Россияныӊ кайы-даа дээди өөредилге черинче шылгалда чокка дужаап кирип ап болур. Оон аӊгыда, Делегей чергелиг школачылар олимпиадазынга киржир Россияныӊ командазын база оларныӊ аразындан шилип алыр.

Школачыларныӊ Бүгү-российжи олимпиадазын Россияныӊ Чырыдыышкын яамызы организастап эрттирер.

Өөредилге яамызының медээлеринден.