◥ Япон школаларда “Бойдуска ынакшыыры” деп эртем бар. Ол ажык дээр адаанга эртер. Өөреникчилер бойдусту, ооң болуушкуннарын, дириг амытаннарны чарашсынып, кончуг кичээнгейлиг хайгаарап көөр. Чыл төнчүзүнде ук эртемге шылгалда дужаар.
◥ Германияның Гейдельберг деп хоорайының школаларында аас-кежик кичээлдери бар. Аңаа шылгалда дужаавас. Ол дээрге-ле аас-кежик болур. Ынчалза-даа аас-кежик темазынга кижи бүрүзү бодунуң чогаадып алган төлевилелин камгалаар ужурлуг.
◥ Австалияда сёрфинг башкылары бар. Сугга болур кончуг солун болгаш ажыктыг эртемни бир дугаар класстан тура эрттирер. Эң-не тергиин сёрфинг спортчулары Австралиядан болганы анаа эвес.
◥ Кыдатта школачыларга арын нугуурун (массаж) өөредип турар. Күш-культура кичээлдеринден аңгыда, кичээлдер аразында сула шимчээшкинни албан кылыр. Оларның бирээзи бодун нугууру.
◥ Арменияда улусчу танцы кичээлдерин албан эрттирер. Школачылар танцының төөгүзүн болгаш хореографияны өөренир.
◥ Башкирияда ары ажыл-агыйының эртемин школа программазынче киирген. Школаларда өөреникчилер ажылдаар ары азыраар черлерни кылган.
“Шын” №76 2024 чылдың октябрь 5