«Шын» 12+

Сибирьниң социал-экономиктиг хөгжүлдезинге эки салдарлыг

18 декабря 2024
25

Декабрь 17-де ТР-ниң Баштыңы Владислав Ховалыг Сибирь федералдыг округта Россия Федерациязының Президентизиниң бүрүн эргелиг төлээзи Анатолий Серышевтиң киржилгези-биле болган онлайн хуралга киришкен.

«Сибирь дугуржулгазы» регионнар аразында ассоциацияның ажылының түңнелдерин Президентиниң бүрүн эргелиг төлээзиниң киржилгези-биле чугаалашкан.

«Сибирь федералдыг округта транспорт талазы-биле координациялыг чөвүлелдиң удуртукчузу болганымда, Тываның девискээринде Моол болгаш Кыдатче баар оруктуң коридорун чугула деп санап турар мен. Ол орук мээң чаңгыс чер чурттугларымның-даа, Сибирьниң өске-даа булуңнарының хууда сайгарлыкчыларының социал-экономиктиг хөгжүлдезинге эки салдарлыг болуру чугаажок.

Оон ыңай Улуг Тиилелгениң 80 чыл болган байырлалын демдеглээр төөгүлүг хүннүң бүдүүзүнде – «Улуг Сибирь – Улуг тураскаал» деп медээлер порталын кылыр дугайында база чугаалаштывыс» – деп, ТР-ниң Баштыңы Владислав Ховалыг социал четкиде бодунуң арнынга демдеглээн.

Бистиң корр.

“Шын” №97 2024 чылдың декабрь 18

ШЫН Редакция