Социал керээ акша-төлевирин шын чаргыдавааны дээш…

Барыын-Хемчик кожууннуң прокуратуразы ажыл чок хамаатыларга көрдүнген күрүне деткимчези акшаларның чарыгдалынга хамаарыштыр хыналданы эрттирген.

2022 чылда Барыын-Хемчик кожууннуң чурттакчызы тус черниң күш-ажыл болгаш социал политика килдизинге хууда бүдүрүлге ажыдар дугайында билдириишкинни киирген.

2022 чылдың апрель айда ол күрүне керээзин чаргаш, 250 муң рубльди деткимчеге алган. Социал керээниң негелделерин күүсетпээни, чарыгдалдарын отчеттавааны дээш ол хамааты буруудаан. Хыналданың түңнелинде буруудаан хамаатының херээн прокурор истелгеже чоруткан. Түңнелинде, кеземче херээн оттурган. Истелге болуп турар үеде буруудаттырган хамааты алган акшазын эгидипкен-даа болза, херекти шүүгү албанынче чоруткан. Харыызы удавас билдинер.

Бузурукчу чорук дээш 2 чылга чедир хосталгазын казып шиидип болур.

ТМГ-ниң медээзинден.
«Шын» №37 2024 чылдың май 22