ЭРИК БИЛЕ ЧАЛГЫГ
Элдептиин аар: ийи кижи сеткил-хөңнүЭрик биле чалгыг ышкаш ужуражыр.
Халаажыраан эрик ийлеп туруп калыр,
Хая көрнүп чадаан чалгыг талыя бээр.
Чүс, муң чалгыг эрикти хей часкап эртер,
Чүгле биеэ Чалгыг дедир эглип келбес.
Карак, чүрээң катай шиилээн эшке дужар
Кайгамчыктыг ужурал-ла ындыг ховар.
Чааскаанзырап артар чолга муңгарава:
Сактыышкынның аязы шын чазылган-дыр –
Чүс, муң кижи сээнге дегбейн эртип турда,
Чүгле чаңгыс эжиңни ок тавараан-дыр.
Элдептиин аар: ийи кижи сеткил-хөңнү
Эгииреде тудуш-даа бол, аңгы чоруур.
* * *
Бодал оюну – ырак челээш
Сүрер дээштиң, могай бердим.
Бодал чиктиг, тениир чыгыы,
Чүрээм – дезиг кадыргы-ла!
Соок күзүн каарган эдип,
Човалаңны оштап турда,
Чылыг челбээн сагыжымга
Чыннып аары кежик дег-дир.
Магадылал, байлакшылга
Байыр тудар мендим чогул.
Кударалым эргилер чер –
Куруг хову, хинчек чурту.
Чүгле Сөстүң болчаглары
Чүрээмге дыш хайырлап чор.