Сес-буттуглар (Осьминогтар) үш чүректиг. Олары шупту демниг ажылдап турар. Ийизи чакпаларының аразындан, а үшкүзү бүгү мага-бодунда ханны чүгүртүп турар. Солун чүүл, кажан осьминог эштип турда, кол чүрээ түр када туруптар.
Сатурн биле Юпитерде алмаз чаашкын чаап турар. Ол планеталарның атмосферазында бедик базыышкындан метан углеводче шилчээш, кристаллдангаш, алмаз апаарын эртемденнер шинчилээн.
Кижиниң мага-бодунда бактериялар клеткаларындан хөй бооп турар. Бир кижиге 30 хире триллион клеткалар болгаш 39 хире триллион бактериялар хамааржыр.
Антарктидада ханныг водопад бар. Ол ылап-ла хан ышкаш кызыл өңнүг. Железозу хөй суг агаар-биле каттышкаш, аккан сугнуң өңү кып-кызыл апаар.
Бистиң планетавыс хүннүң-не аартап турар. Черже космостан доозун болгаш метеориттер үргүлчү бадып турар болгаш, ол бир хүнде 60 хире тонна кил немеп турар.
Акулада сөөктер чок. Оларның скеледи бүрүнү-биле кегжирден тургустунган. Ынчангаш акула ээлгир болгаш шимченгир. Ол ышкаш анаа сөөктүг балыкка бодаарга, ол чиик.
Египеттиң пирамидалары мамонтулардан улуг назылыг. Сөөлгү мамонтулар бистиң эраның мурнунда 1650 хире чылда кырылган болза, а Гиза пирамида бистиң эраның мурнунда 2560 хире чылдарда туттунган. Ынчап кээрге фараоннар үелеринде соңгу чүкке дүктүг мамонтулар база чораан-дыр.
“Шын” № 30 2025 чылдың август 7