Диистиң хаайында шокары кижиниң салаазының изи ышкаш катаптаттынмас.
Улиткалар чем чивейн, үш чыл удуптар.
Таракан бажы чокка 2 неделя чурттаптар.
Көк кит — эң-не улуг амытан, ооң кили 23 чаанга дең.
Страустуң караа мээзинден улуг.
Араатан амытаннар чаңныкка соктурган дириг амытаннарны чивес.
Ийиги делегей дайынының үезинде Берлинче октаан бир дугаар бомба зоопарктың чаңгыс-ла чаанынга дүшкен.
1941 чылдың ноябрь айдан тура Совет Эвилелинге ажы-төл чок дээш үндүрүг тыртар турган. Ол шалыңының 6 хуузу.
18 дугаар векке чедир Россия тук чок турган.
Төөгүде эң-не кыска дайын — Англия биле Занзибар аразынга чүгле 38 минута дургузунда үргүлчүлээн.
Британияның найысылалы «Лондон» дээр адын алыр мурнунда Лондониум, Люденвик база Люденбург деп аттарлыг турган.
Россия биле Американың аразында эң-не кыска хемчээл — 4 км.
Испания дээрге «Тоолайлар чурту» дээн.
Делегейде халдаашкыннар, күштээшкиннер база ок-боо ажыглап тургаш болуп турар өлүрүүшкүннерниң эң-не бедик көргүзүү – Мурнуу Африка чурттарында (ЮАР).
Делегейде ниитизи-биле эң-не чолдак кижилер — японнар.
Чурукту ГигаЧатка чуруткан.
“Шын” №14 2026 чылдың апрель 16