Специалистер тывылбастаан…

Бажың-балгат септээр, тудуг ажылдары кылыр тускай специалистер тып алыры дыка берге апарган. Септелге кылыр чамдык улус, акша-көпеен алгаш, шынар чок, мегелеп кылып каар-дыр. А ылап, шын специалистер шуут тывылбас.

Мен бодум ындыг байдалга таварыштым. Бо үеде тудугжу, бызаңчы, электрик, сантехник мергежилдиг улус тыппайн тур мен. СПТУ доозукчулары канчап барган? Шак-ла ындыг тускай мергежилдиг улусту чыггаш, бир төптен ажытса кандыгыл. Бо үеде эң-не хереглелдиг специалистер-дир.

Шагаан-Арыгның хөй аал чурттаар бажыңнары эргижирээн, септелге негеттинип турар. Ынчангаш чоннуң дилээ — септелге ажылдары кылыр тускай специалистерни чыып, төпчүткен албан черинден тургузарын диледивис.

О. ОНДАР, М. ТЮЛЮШ, Ш. ШЫЫРАП.
Шагаан-Арыг хоорай.

“Шын” №47 2024 чылдың июнь 2