Спорт хөгжүлдези

Тываның Баштыңы отчедунга республикада спорт инфраструктуразының четкизи сайзырап турарын, хөй чылдар дургузунда бир дугаар эрткен чылын федералдыг чергелиг улуг маргылдааларны Тыва бедик деңнелге төлептиг эттиргенин демдеглээн.

Ол дээрге Россияның бирги чери дээш сумога чемпионат, хостуг хүрешке Россияның юбилейлиг чемпионады. Сумога болган маргылдаага ниити команда аайы-биле Тыва Республиканың чыынды командазы бирги черни ээлээн.

Тыва Республиканың чыынды командазы бүгү-россия болгаш делегей чергелиг спорттуң янзы-бүрү хевирлеринге 2022 чылда 179 маргылдаага киришкен. Оларның аразында: Делегейниң бирги чери дээш — 1, Чоннар аразының турнири – 10, Россияның чемпионады – 16, Россияның бирги чери дээш – 37, Сибирь федералдыг округтуң чемпионады – 13, СФО-нуң бирги чери дээш – 29, Россияның Кубогу дээш – 4, Россия спартакиадазы – 5, Бүгү-россияның маргылдаазы – 28, белеткелге хамаарышкан хемчеглер – 22, ханы эмчи шинчилгези – 10, өске-даа маргылдаалар (турнирлер) – 4.

2022 чылдың түңнели-биле 3-тен 79 харга чедир доктаамал күш-культура болгаш спортче хаара туттунган чурттакчыларның саны 164, 9 муң кижи четкен, ниити чурттакчы чонга хамаарыштыр алырга 54, 5 хуу. Кожуун чергелиг 298 маргылдаага 35 489 кижи киржилгелиг болган.

Амгы үеде респбликада 532 спортчу объектилер ажылдап турар: 250 спортчу шөлчүгештер, оларның иштинде бут бөмбүүнүң кылымал чадыглыг шөлү — 9, спортзал — 271, эштир бассейн — 4, күш-культураның кадыкшылга төвү – 3, сорткомплекс — 2, хүреш залы — 2.

#Тываныңчазааныңотчеду #Владиславховалыг #Тываспорт #Шынсолун #Тывадыл