Янзы-бүрү кызыгаарлаашкыннар үезинде спортчу амыдыралда өскерлиишкиннер болуп турар. Ооң дугайында ТР-ниң Спорт яамызының сайыды Субудай Монгуш тайылбырлаан.
«Бо үеде бистиң спортчуларывыс бергедээшкиннерге таваржип турар. Ынчалза-даа чамдык эки талалар база бар. Бүгү делегей чергелиг маргылдааларны бистиң чуртувуска эрттирерин хораан болганда, ынаар көрдүнген акша-хөреңгини хоорай, суурларга спортчу объектилер тудуунче чарыгдаарын чуртувустуң Чазаа дыңнаткан. Ол дээрге-ле биске спортчу тудугларывысты уламчылаар арга тургустунар. Чаа-чаа спортзалдар ырак эвесте, чурттакчыларга эптиг апаар. Ол ышкаш бистиң спортчу инфраструктуравыс ам-даа хөгжүүр болгаш, массалыг спортка эптиг байдалдар тургустунар. Оон аңгыда боттарывыстың девискээривиске спортчу маргылдаалар ам-даа хөй-хөй эртери чугаажок.
Мира КОНГУЛ-ООЛ белеткээн.