Чоокта чаа Хабаровск хоорайга профессионал өөредилге черлериниң сургуулдарынга «Россияның студентилер чазы» деп V юбилейлиг Бүгү-российжи фестиваль болуп эрткен. Улуг хемчег Россияның 70 ажыг регионундан 1500 салым-чаяанныг киржикчилерни хаара туткан. Июнь 8-тен 13-ке чедир Хабаровск биле Амурда Комсомольск шөлчүгештеринге кол мөөрейлер болгаш культурлуг программалар болгулаан.
Тываны республиканың Медицина биле Уран чүүл колледжтериниң сургуулдары төлээлээн. Чараш программа күүсеткен чогаадыкчы делегацияны хореограф Баяна Седен белеткээн. Киржикчилер 10 аңгы угланыышкынныг мөөрейлерге киришкен — ыры болгаш танцы-самдан медиа болгаш артка чедир. Тыва сургуулдар боттарының шыырак белеткелин көргүскеннер.
Фестивальдың түңнелдери эки көргүзүглерлиг болган. «Мода» угланыышкынынга II чергениң, ырыга коллектив хары угда ийи шаңнал алган: I болгаш II чергениң лауреаттары, а хореографияга III чергениң лауреаттары болган. Түңнелинде эң-не кол шаңнал — ниити команда саны-биле Тыва “Прорыв года” деп тускай шаңналга төлептиг болганнар.
/ Бистиң корр.
Медээни болгаш чурукту ТР-ниң Өөредилге яамызының социал четкиде арнындан алган.
“Шын” №23 2026 чылдың июнь 18
"Шын" солуннуң МАХ-каналынга каттыжыңар: max.ru/join/egenQ...