Социал четкилерге Тываның Чазак Даргазының стипендиязын январь айда тывыскандан бээр, студентилер ол акшаларын мынчага чедир манап турар дугайыда медээ үнген соонда, ол айтырыгны дораан үзе шиитпирлээн.
ТР-ниң өөредиле болгаш эртем сайыдының хүлээлгезин күүседип турар Елена Хардикова ВКонтакте социал четкиде бодунуң арнынга дараазында медээни бижээн:
- Январь айда, Студентилер хүнүнде, тергиин дирткен студентилерге Чазак Даргазының стипендиязын тывыскан дугайында шынзылгаларны тывыскан. Бюджетти ылавылап, чогуур албан черлери-биле саң-хөө айтырыын тодаргайлаан соонда, стипендия алыкчыларының агар санынче акшаларны дарый шилчиткен.
Чылдың-на спортка, уран чүүлге, өөредилгеге, эртем болгаш чогаадыкчы ажылга база хөй-ниити ажылынга шылгараан студентилерге Тыва Республиканың Чазак Даргазынын стипендияларын тыпсып турарын сагындырып каайн.
Студентилерге Чазак Даргазының стипендиязын шилчидип берген
8 апреля 2023
38