Бай-Тайга кожуунда санитарлыг арыглаашкын ажылдары уламчылап турар.
Кожуун төвү Тээлиде ыдыктыг субурганны аштап-арыглаар, чаагайжыдар субботникти чарлаан. Аңаа В.Б. Кара-Сал аттыг школаның өөреникчилери башкызы Рада Хертектиң база тус чер чагыргазының аныяктар болгаш спорт килдизиниң удуртукчузу Начын Хертектиң удуртулгазы-биле ыдыктыг Субурганны чаагайжыдар ажылдарга идепкейлиг киришкен.
Субботниктиң киржикчилери субурганның девискээрин аштап-арыглааш, чугайлап, дозулаан. Септелге ажылдарынга херек материалдарны кожуун чагыргазы садып берген.
Бистиң корр
«Шын» №37 2024 чылдың май 22