Тываның Баштыңы Владислав Ховалыгның даалгазы-биле «Экология» национал төлевилелди боттандырары-биле Каа-Хем кожуунда чөпшээрел чок бок төгер черлерни аштап-арыглаар ажылдар чоруп турар.
«Транспорт сервизи болгаш төлевилели» КУБ Суг-Бажы суурнуң девискээрин аштап-арыглаар ажылдарны дооскаш, ам Бүрен-Хемде ажылын уламчылап эгелээн. Ол ажылдарда улуг тускай техниканы ажыглап турар: 5 КамАЗ, 5 трактор болгаш грейдер.
Суг-Бажы суурга чылдары-биле даг ышкаш чыглып чыткан суурнуң девискээриниң даштыкы хевирин үреп турган бокту чок кылыр ажылды чорутканы дээш тус черниң чурттакчылары өөрүп четтиргенин илередип турар. Бок аштаар ажылдар улаштыр Сарыг-Сепке, Дерзиг-Аксынга база Бүрен-Аксынга уламчылаар.
Суг-Бажының богун аштап-арыглаан
13 ноября 2022
42