Шак бо төөгүлүг чуруктан ачамны тып алдым. Оон бээр дыка хөй үе эрткен-дир. Тыва Арат Республиканың Барыын-Хемчик кожууннуң төвү Кызыл-Мажалыкка тырттырган бо чурукта ачам бар болду. Ооң адын Монгуш Минчирович Ондар-оол дээр. Ынчан ол Кызыл-Тайга сумузунга аревэ секретары кылдыр ажылдап чораан.
Ачамның мурнунда Шуй чурттуг Хомушку Нордуп-тур. Ол Ада-чурттуң Улуг дайынынга маадырлыы-биле мөчээн. Оон ыңай кымнарны таныыр-дыр силер, сонуургап көрүңерем. Ачам-биле кады ажылдап чораан аревэчилерниң салгалдары боттарының чоок кижилерин мен ышкаш тып алыр чадавас дээш, редакцияже чорудуп олур мен.
/ Чечекмаа ОНДАР-ООЛ, күш-ажылдың хоочуну.
Чурукту авторнуң архивинден алган.
“Шын” №43 2025 чылдың ноябрь 6