Өвүр кожуун төвү Хандагайты суурда Ада-чурттуң Улуг дайынының маадырларының адын мөңгежиткен тураскаалдарны май 9-та Тиилелге хүнүнге белеткеп, чаагайжыдылга ажылдарын кожууннуң депутаттары база тус черниң башкарылгазы чоруткан.
Кожууннуң школаларының девискээринде тураскаалдарны өөреникчилер биле башкылар септеп, арыглаан.
Төөгүнү хүндүлеп, сактыышкын тураскаалдарынга хумагалыг болуп, карактап камгалаары - кижи бүрүзүнүң хүлээлгези.
Өвүр кожууннуң медээз-биле.
Төөгүнү хүндүлээри - хүлээлгевис.
8 мая 2023
33