| Тыва театрның 90 чылынга |
Аъттыг, чадаг, тергеленгеш, шанактангаш,
Аалдан аалче, чайлаглардан күзеглерже
Арат чонну, ажы-төлдү чырык чүүлге,
Үжүк-бижикке өөретпишаан, хей-аът киирген.
Көк-оол өгбе адын чалаан
Хөгжүм-шииниң театры.
Тыва Арат Республиктиң баштыңнары,
Артистери, кады деңге шиизин ойнап,
Театрывыс демнии-биле таваан салган
Дендии солун, байырымныг үе турган.
Уран чүүлдүң бөгүн бар-ла адырлары
Театрдан ужукталып, судалдангаш,
Депшилгелиг делегейде тыва чуртун
Делгереди диңмиреткен, магаданчыын!
Чаа Тыва чурту-биле деңге базып,
Чаагай, чараш ыдыктарны чонга сөңнеп,
Тозан артты, тозан хемни кежип чорааш,
Төөгүнү тургузуштуң, тыва Театр!
/ Анзат КУУЛАР.
Чурукту https://pro.culture.ru/public/... алган.