Алды класска өөренип туруңда, аваң хөөкүй берге аарааш, "кызыл дустаан". Азыраан аваң Азияна биле мен сени чажыңдан-на эп-найыралдыг өг-бүлеге өстүрүп алдывыс. Ийи адашкы малывыс азырап, ногаавыс тарып, бүгү ажыл-ишке ажыг-шүжүгден алаагып, багай эвес чурттап чордувус, оглум.
Школаны дооскаш, Красноярск хоорайга бараан баазазынга кызып ажылдап чорааш, биске дыңнатпайн, эки күзелиң-биле Украинаже чорупкан болдуң. 21-ле харлыг чараш оглум, сени дээш меңээ дыка-ла аар качыгдал болду.
Башкың Зоя Серен-Доржуевна, чаңгыс классчы эштериң, шериг оолдар, төрелдеривис ажыг-шүжүүвүстү үлештилер. Кижиниң чону, күрүнези кончуг-дур.
Танаа-Херел, күжүр оглум,
Ачаңга-даа дыңнатпайн,
Дайындыва чүге чордуң?
Ам меңээ багай медээ...
Украинадан долгаарыңга,
Уйгум чидип, коргуп тейлеп,
Маадыр адыңга идегелим
Манагзаанын салбайн чордум.
Алдан-Маадыр адаларның
Алдары дээш эки тура,
Күзел-биле чоруткаштың,
Ээп келбейн бардың, оглум.
Кады өскен эштериң-не
Кайгамчык-тыр! Караам чажын
Чүгле олар кымдан артык,
Чүрээм балыын эмнешкен дег.
Остап Дүүшкүн-оолович ОНДАР, дайынга бажын салган Танаа-Херелдиң адазы.
Алдан-Маадыр суурнуң чурттакчызы.
“Шын” №92 2024 чылдың ноябрь 30