«Төрээн чуртуң дугайында ыдып бер» — патриотчу кижизидилгеже угланган, Төрээн чуртувус — Россияга хүндүткелдиг хамаарылганы хевирлээр делегей чергелиг мөөрей.
Киржикчилерге эң-не солун болуушкуннарны, чаңчылдарны, Төрээн чуртунуң төөгүлүг черлерин шилип алгаш, ол дугайында чаңгыс чер чурттугларынга болгаш чажыттарынга чугаалап бээрин саналдап турар.
Мөөрей 4 аңгы назы-хар аайы-биле 3 номинацияга эртер: сөзүглелдиг таныштырылга; видеобижидилге; чураан чурук.
Баш бурунгаар шилилге эрткен ажылдар мөөрейниң социал четкиде арынынга парлаттынар. Даштыкы чурттарга болгаш российжи массалыг информация чепсектеринге Россияның чоннарының культуразын, езу-чаңчылдарын, төөгүзүн болгаш үнелиг чүүлдерин таныштырар сорулга-биле Россия дугайында эң-не тергиин ажылдарны ажыглаар.
Тиилекчилерниң ажылдарын мөөрейге шилилге эрткениниң түңнелинде эксперттиг чөвүлел болгаш хүндүткелдиг жюри тодарадыр. Хүндүткелдиг жюриниң составында — Россияның даштыкы херектер яамызының информация болгаш парлалга департаментизиниң директору Мария Захарова, «Россотрудничество» агентилелдиң удуртукчузунуң оралакчызы Дмитрий Поликанов дээш өске-даа көскү күрүне ажылдакчылары бар.
Жюриниң шиитпири-биле мөөрейниң лауреаттарын тодарадыр. Ол ышкаш «Россия дугайында 150 тергиин ажылдар» мөөрейиниң лауреаттарын база тодарадыр.
Шупту киржикчилер электроннуг сертификаттарны болгаш өөрүп четтириишкиннерни, дагдыныкчыла- ры — электроннуг өөрүп четтириишкин бижиктерин, а тиилекчилер дипломнар болгаш тураскаалдыг белектерни алыр. Тиилекчилерни Москвага болур шаңналдар тыпсыр байырлыг езулалче чалаар.
Ажылдарны www.youthy.ru сайтка 2025 чылдың март 25-ке чедир хүлээр. Мөөрейниң албан ёзузунуң бөлүктери социал четкилерде — https://vk.com/telltheworldabo... ; https://ok.ru/group/53744160735300.
Бистиң корр.
“Шын” №80 2024 чылдың октябрь 19