Эгелеп чоруур арат-фермерлерге «Агростартап» программазы Тывада каш чыл ишти чедиишкинниг ажылдап турар. Бо чылын мөөрейниң 142 киржикчизинден 14 тиилекчини шилээн, оларның чедизи тускай шериг операциязының киржикчилери болгаш оларның өг-бүлелериниң кежигүннери.
Чөөн-Хемчик кожуундан Аяс Монгушту үлегерге ап болур. 2024 чылда ол халашкаш, ажыл чок олурбайн, шагда-ла бодап алган сорулгаларын боттандырып кирипкен: грант акшазы-биле инектер, трактор болгаш тускай техниканы садып алган. Амгы үеде ооң өг-бүлезиниң кежигүннери шупту эът-сүт фермазында ажылдап, дузалажып турар.
Ол ышкаш эрткен чылдан тура ТШО хоочуннарынга деткимче көргүзер сорулгалыг «Агромотиватор» деп тускай программа ажылдап эгелээн. Ооң баштайгы түңнелдери бар: Кызыл кожуундан Александр Ондар трактор алгаш 300 дүрүг сигенни белеткеп алган, а Шагаан-Арыг хоорайдан Орус-оол Лопсан мал чеми белеткээр ажылдарда идепкейлиг чоруп турар.
ТР-ниң Көдээ ажыл-агый яамызының медээзинден.
Чурукту интернет четкизинден хоолгалаан.
“Шын” №38 2025 чылдың октябрь 2