Тываның Баштыңы Владислав Ховалыг Тыва Республиканың Дээди Хуралынга эрткен чылын Чазактың кылып чоруткан ажыл-херээниң база бо чылгы сорулгаларның дугайында илеткелин берип тура, чүнүң-даа мурнунда тускай шериг операциязының киржикчилеринге өөрүп четиргенин илереткен.
— Бодунуң шериг албан-хүлээлгезин күүседип турар Ада-чурттуң камгалакчыларынга өөрүп четтиргенимни илергейлеп тур мен. Силерниң өг-бүлелериңерге маадырлыг, турушкур база шыдамык чоруу дээш четтиргенимниң сөстерин чугаалап тур мен. Бистиң маадырларывысты аал-оранынга тиилелгелиг, амыр-менди чанып келирин манап турар бис.
2022 чылда тоң чугула сорулгаларның бирээзи болза, ТШО киржикчилерин болгаш оларның өг-бүлелерин бүгү талалыг деткиири болган. Бо талазы-биле Республиканың каттышкан штавы ажылдап турар. Депутаттар ол дугайында хөлчок эки билирлер, чүге дизе хамаарышкан хоойлуларның хүлээп алыышкынынга киржип турганнар.
Тываның чурттакчылары тускай шериг операциязының киржикчилерин деткиир, дузалажыр херекке эвилелдежип, бо буянныг үүлеге бүдүрүлге коллективтери, сайгарлыкчылар, хөй-ниити организациялары, эки турачылар, депутаттар, республиканың тоомчалыг хамааты бүрүзү киришкен. Ол деткимчениң эң-не көскү чижээ «Автопоезд» төлевилел болган, ооң иштинге 40 автомобильди бистиң маадырларывысче чоргустувус. Улусчу фронтунуң демдеглээни-биле алырга, ол болза чурттуң иштинде эң дээре көргүзүг болган - деп, В. Ховалыг түңнээн.
2