Келир чаа чылда ТШО-нуӊ хоочуннары Социал фондунуӊ реабилитация төвүнге эмнедир.
Россияныӊ Социал фондузунга хамааржыр реабилитация төптери келир чылдан тура ТШО-дан халажып келген улустуӊ кадыкшылын дадыктырар болгаш санаторий-курорт эмнээшкинин чорудуп эгелээр. Кадыкшылын дадыктырар реабилитацияныӊ хуусаазы — 25 хүн, а чылда бир катап эртер санаторий-курорт эмнээшкини 21 хүн уламчылаар. Тускай шериг операциязыныӊ киржикчизиниӊ эмнедип турар үезинде фонд тускай хандырылганы уламчылаар деп планнап турар.
Реабилитация төвүнче чорударда, хоочуннуӊ кадык байдалыныӊ дугайында эмчи социал экспертизазыныӊ шинчилелдери херек. Бир эвес эмчи шинчилээшкинин эртпээн, инвалид эвес болза, реабилитация төвү диагнозту тодараткаш, эмнээшкин курузун боттары тургузуп бээр.
Социал фондунуӊ реабилитация төвүнге эмнедир бижикти Россияныӊ Маадыры деп хүндүлүг аттыӊ эдилекчизи, 1-ги бөлүктүӊ инвалиди болур ТШО-нуӊ киржикчизи оочур чокка алыр.
Реабилитация төвүнге эмнедириниӊ дугайында дилег билдириишкинни социал фондунуӊ чон-биле ажылдаар албанынга болгаш МФЦ офистеринге киирер. Февраль эгезинде билдириишкинни Күрүнениң ачы-дуза порталындан чорудуп болур. Дилегни ийи хүн дургузунда шиитпирлепкеш, харыызын ол-ла хүнде дамчыдар.
Реабилитация төвүнге чедип алыр дээш, аай-дедир аргыжарынга чарыгдаан акша-хөреӊгизиниӊ компенсациязын төлеп бээр. Албан өске-бир кижиге четтирип, азырадып чоруур болза, эмчи документилеринге ол дугайында айтып каан болур ужурлуг. Реабилитация төвүнче баарда, дузалап чоруур кижизи албан кады чоруур. Ооӊ амыдыраар болгаш аргыжар акшазын Социал фонд төлеп бээр.
Орук өртээниӊ орнун эгидип алыр дизе, билдириишкин бижээш, аргыжылга дээш санашкан касса документилерин кожуп каар. Поезд, самолет, суг транспорту, автобус азы хуу автомобилиниӊ-даа орук чарыгдалыныӊ компенсациязын эгидип бээр.
Россияныӊ Социал фондузунуӊ Тывада салбырыныӊ медээлеринден Р. Демчик очулдурган.
Чурукту интернет четкизинден хоолгалаан.
“Шын” №96 2024 чылдың декабрь 14