Тайга тооруу — кижиниң организминге херек ажыктыг үстерден тургустунган эм шынарлыг үнүш.
▸ ол кижиниң организмин ажыктыг микроэлементилер — медь, цинк, кобальт, марганец-биле хандырар;
▸ тайга тооруунуң белогунда аргинин деп аминокислота бар. Ол өзүп орар организмниң сайзыраарынга — бичии чаштарга, элээдилерге база сааттыг херээженнерге дыка ажыктыг;
▸ тайга тооруу барык-ла 15 ай дургузунда быжар;
▸ сибирьниң пөжү 200 чыл чедир чурттаар болгаш барык 50 метр бедип өзер.
▸ тайга тооруундан үнүш сүдүн кылып болур. Ол инек сүдүнден үш катап хоолулуг, чүге дизе тайга тооруунуң 79 хуузу үстен тургустунган;
▸ чөөн чүк талазында бистиң тооруктуң ийис эжи бар — пиния. Ынчангаш итальян Буратинону — пиния токпаандан «төрүттүнген» Пиноккио база дижир. Ол кажар опчокпай Карабас-Барабастан камгаланып пинияның чочагайларын дажап турда, өжээтейниң салы чукка чыпшына бээр база болгай.
▸ тайга тооруунуң үзүнде А витамин балык үзүнден 3 катап хөй.
«Шын» №66 2024 чылдың август 31