“Тиилелгениң диктантызынга” чедир санныг хонук арткан

Апрель 27- де делегейниң 40 ажыг чуртка “Тиилелгениң диктантызын” бижиир.

Бо чылын диктантының онаалгаларын 6 аңгы дылга очулдурар – кыдат, серб, испан, немец, француз болгаш англи.
Бо акцияга онлайн киржир күзелдиг улус дараазында диктантпобеды.рф. деп сайтыже киргеш, киржип болур.

Диктанты бижикчилери 25 айтырыгга харыылаар: 20-зи – ниити шериг-төөгүлүг темага, 5-жи – регионга хамаарышкан болур.

Айтырыгларның регионалдыг кезээн тургузарынга 18 чурттардан төөгүчүлер, патриотчу хөй-ниити каттыжылгаларының төлээлери киришкен.

Бо чылын акцияга Шри-Ланка бир дугаар киржир деп турар.
Амгы үеде, кажангызындан артык Улуг Тиилелге дугайында бүгү шынны бистиң чурттувустуң болгаш өске-даа чурттарның чоннарынга чугаалаары чугула. Украина болгаш прибалтика чурттарының чижээнден төөгүнү билбес чорук чүү чүвеге чедирип турарын көрүп турар бис.

“Тиилелгениң диктантызы” апрель 27-де болурун база катап сагындыраалы. Акцияның төп шөлчүгежи чаңчыл ёзугаар Москвада Тиилелге Музейи болур.

#Шынсолун#ДиктантПобеды