Май 9 — Тиилелге хүнүнде, Тываның Национал парыгының төвүнге, 13:00 шакта “Тиилелгениң вальзы” деп “Чаңгыс демниг Россия” партиязының “Улуг салгал”, “Төөгүлүг сактыышкын” төлевилелдериниң иштинде кирип турар хемчегни организаастаар.
Ооң организакчыларының дыңнадып турары-биле, “Тиилелге вальзы” деп хемчегге дайын үезиниң ырларынга, хөгжүмүнге үдеткен танцы-самга күзелдиг кижи бүрүзү киржип болур. Ыраккы 1945 чылда оркестр ойнап турда, бистиң кырган-аваларывыс, кырган-ачаларывыс бөөлденип, танцылап турган болза, бо хүнде ол чараш чаңчылды амгы салгал уламчылаалыңар.
Танцыдан аңгыда, аңаа артистерниң оюн-көргүзүү, дайын темазынга хамаарышкан викторина база болур.
#Шынсолун #тувамедиагрупп #Тыва #Tuva #TMG