Томуйлаашкын

Тыва Республиканың Баштыңы Владислав Ховалыг Тыва Республиканың Чазак Даргазының социал политика талазы-биле оралакчызының хүлээлгелериниң күүседикчизинге Орлан Сарыгларны томуйлаан. Ол ооң шала бетинде Россия Федерациязының социал камгаладылга фондузунуң Тыва Республика талазы-биле регионалдыг салбырының эргелекчизиниң оралакчызы турган.

«Мооң мурнунда Орлан Денек-оолович инвалидтерниң эдип-чазалгазы-биле, оларның санатор-курорт эмнээшкини болгаш шимченири хирелиг кижилерни техниктиг херекселдер-биле хандырар, херээженнерге пособие тыпсырының болгаш уруг-дарыгны, ажылдавайн турар хамаатыларны эм-таң-биле хандырарының айтырыгларын харыылап турган. Ооң удуртулгазы-биле ковид хамчыының үезинде эмчилерге тускай төлевирлерни төлээриниң талазы-биле улуг ажыл чоруттунган. Социал адырның айтырыгларынче ол хөлчок дүрген ижигип кире бээр дээрзинге бүзүрээр мен” – деп, Владислав Ховалыг демдеглээн.

#Шын#ТываЧазак #СоциалПолитика #Тыва