“Тоолдуң хуулгаазыны” мөөрейниң тиилекчилери кымнарыл?

Февраль айда Тыва Республиканың Чазааның чанында Тываның гуманитарлыг болгаш социал-экономиктиг тускай шинчилелдер институду эрткен Шагаага уткуштур өөреникчилер аразынга тыва улустуң тоолдарынга үндезилээн «Тоолдуң хуулгаазыны” деп чурук мөөрейин эрттирген.

Тыва улустуң аас чогаалы, ёзу-чаңчылдарынга өзүп олурар салгалдың сонуургалын оттуруп, төрээн дылын сайзырадып, номчуттунарынга ынак болурунче хаара тудары болгаш чурулга уран чүүлүнге сундулуг уругларны деткиир сорулгалыг мөөрейге ниитизи-биле 200 ажыг уруглар киришкен. Ооң тиилекчилерин март 28-те үстүнде адаттынган институттуң хуралдаар залынга түңнеп, үндүрер.

Ол хүннүң программазы:
1. Тыва Республиканың Чазааның чанында Тываның гуманитарлыг болгаш социал-экономиктиг тускай шинчилелдер институттуң оран-савазының иштинге уругларга экскурсия чорудар. Уруглар аңаа Тываның төөгүзү, бурунга түрк болгаш скиф үезиниң тураскаалдары-биле таныжар аргалыг болур.

2. Институттуң архивинде болгаш эртем номунуң саңында ховар номнарның, тоолдарның делгелгезин база көөр.

3. Мөөрениң тиилекчилери шаңнаар.

4. Кызылдың хем кыдыында Түризм бажыңында “Хуулгаазын делегей” деп Тываның ойнаар-кыстар театрының делгелгезин көөр.

5. ТР-ниң уран чүүлүнүң алдарлыг ажылдакчызы, чурукчу Ш.У.Чуруктуң болгаш Кызылдың А.Чыргал-оол аттыг уран чүүл колледжиниң чурулга салбырының студентилериниң киржилгези-биле көргүзүг кичээлдер О. Лопсанчап кудумчузнда 2 дугаар бажыңда студияга болуп эрттер.

Мөөрейниң тиилекчилери болгаш шаңналдыг черлерже ады кирген уруглар боттарының чураан чуруктарын ап алгаш кээрин сагындырып турар. Ол чураан чуруктарны Бүгү-делегейниң уруглар хүнүнде делгээр, ооң соонда, ол чуруктарны дараазында палап үндүрер тоол номнарынга чурук каасталгазы кылдыр ажыглаары-биле институттуң архивинге шыгжаар.

Ооң аңгыда “Тоолдуң хуулгаазыны” мөөрейниң киржикчизиниң сертификадын мөөрейге киришкен уруг бүрүзүнче электроннуг хевирге чорудуп бээр.

(Харылзажыр телефоннар:89133422658, 89133510372,89232685720).