РФ-тиң Чазааның Даргазы Михаил Мишустин российжи тос регионнуң социал ужур-дузалыг айтырыгларын шиитпирлээринге кабмин 10 млрд ажыг рубльди үндүрерин дыңнаткан.
«Россияның тос субъектизинге немелде деткимче кылдыр ниитизи-биле 10 миллиард ажыг түңнүг акшаны тускайлап үндүрер. Алтай, Ингушетия, Соңгу Осетия-Алания, Тыва база Хакас республикалар, Камчатка край база Орлов, Еврей автономнуг база Ульяновск областар акша-хөреңгини алыр. Олар ол акша-хөреңгини регионнуң хөгжүлдезинге, кижилерниң амыдыралының социал ужур-дузалыг элээн каш айтырыгларын шиитпирлээринге, бюджеттиң өйлээшкинин хандырарынга ажыглаар» — деп, кабмин хуралынга ол чугаалаан.
Россияның Президентизи Владимир Путинниң даалгазы-биле бо ажылды кылып чоруткан.
Россия Чазааның медээзи-биле.
«Шын» №69 2024 чылдың сентябрь 11