«Арменияга болган Чемпионатка алдынны чаалап алган самбизивис Саян Хертекке байыр чедирип тур мен. Грузин спортчу-биле ачыр-дачыр тудушкаш, 2:0 сан-биле тиилелгени чаалап алган. Саян, сен – Тываның болгаш бүгү Россияның чоргааралы-дыр сен!» – ТР-ниң Баштыңы Владислав Ховалыг бодунуң телеграмм каналында бижээн.
Россияның Президентизи Владимир Путинниң бодалы-биле, самбо – национал спорттуң визит картазы дээнин база губернатор демдеглээн.
«Россияның спортчузунуң тиилелгези – чаңчыл болган түңнел-дир. Маргылдааларга, тренировкаларга спортчу мергежилин экижидип, тиилелгени чедип алыр дээш, доктаамал чаныш-сыныш чок ажылдап турган деп билир мен. Ам делегейниң үш дакпыр чемпиону болду» деп, – Владислав Ховалыг немээн.
Владислав Ховалыгның телеграм-каналындан белеткээн.
Чурукту интернет четкизинден алган.