Бөгүн, сентябрь 17-де, Тываның Чазааның бажыңының баарынга Тыва Республиканың тугунуң хүнүнге тураскааткан тук көдүрер ёзулал болуп эрткен.
Аңаа шериг кезектериниң, чепсектиг күштерниң парад бөлүктери, кызылдың президентиниң кадет училищезиниң сургуулдары, аныяк армейжилер, Тываның күрүне университединиң шериг белеткел төвүнүң тук бөлүү, ол ышкаш күрүне болгаш чазак удуртукчуларының төлээлери киришкен.
ТР-ниң Баштыңы Владислав Ховалыг хемчегни ажыткаш, республиканың хөгжүлдезинге улуг үлүг-хуузун киирип чоруур чонунга өөрүп четтиргенин илереткеш, Тываның тугунуң ужур-утказын онзалап демдеглээн. «Өң бүрүзү ханы утканы илередип, өндүр улуг культураның кезии бис деп чүвени сагындырып турар» – деп бодунуң хууда блогунда бижээн.
Туктар көдүрер ёзулал соонда, ТР-ниң Баштыңы Владислав Ховалыг Тыва Республиканың иштики херектер сайыды, полицияның майору Юрий Завьялов-биле кады чалыы хамаатыларга паспорттарны байырлыг байдалга тывыскан.
Бистиң корр.
Чиңгис СААЯНЫҢ тырттырган чуруктары.