ТУЛЧУУШКУН
Оо! Оон бээр ам
эвээш эвес үе эрткен!
Эгезинде,
алдарлыг дээн идальгонуң
чыдазын
холга тудуп, чепсегленгеш,
делегейниң
дүмбей кара Багын дилеп
халдып турдум.
Адак соонда
мээң чыдам
эң-не каржы Бак чүүлдүң
ижээнинде
көңгүс бөдүүн көрүнчүкке
үзүп алды.
Оон бээр-ле,
кайывыс-даа дайзынынга
дүжүп бербейн,
хая көрнүп чоруй баар-даа
хөңнүвүс чок,
удур-дедир кадыгландыр
көржүп алган
ам-даа тур бис –
мен болгаш…
көрүнчүкте бодум дүрзүм.
/ Эдуард МИЖИТ, Тываның улустуң чогаалчызы.
Чурукту интернет четкизинден алдган.
"Шын" №33 2023 чылдың май 6
ТУЛЧУУШКУН
8 мая 2023
38