Улуг Тиилелгениң 78 чыл болган оюнга уткуштур «Чаңгыс демниг Россия» партиязының эгелээни «Бистиң Тиилелгевис» марафонда Туран хоорайның школачылары болгаш башкылары киришкен.
Тускай шериг операциязында киржип турар чаңгыс чер чурттугларынга бээри-биле медальдар кылыр мастер-класстарны башкылар бичии уругларга көргүскен. Оон ыңай школачыларга «Маадырның ажы-төлү» деп кичээлди эрттирип тургаш, Ада-чурттуң Улуг дайынының киржикчилериниң маадырлыг чоруктарының дугайында чугаалаан.
Ада-чурттуң Улуг дайынының киржикчилериниң салгалдарынга болгаш тускай шериг операциязында киржип турар чаңгыс чер чурттугларывыстың чоок улузунга ук марафон моральдыг деткимчени көргүзер дээрзи билдингир.
А.Ондар белеткээн.
Чуруктарны интернет четкизинден алган.