Туран хоорайныӊ аалчылар үзүлбес чериниӊ бирээзи – Тываныӊ төөгүзүнге балалбас исти арттырган Иннокентий Сафьяновтуӊ адын эдилээн музей. Социал фондунуӊ ажылдакчылары-биле хоочуннар ужуражылга соонда, аӊаа барып чораан.
Урянхай-Тыва чурттуӊ баштайгы орус сууру – Туранныӊ төөгүзү, тываларныӊ Эккендей деп хүндүлеп адай бергени хувискаалчы Иннокентий Сафьяновтуӊ амыдыралыныӊ дугайында Чурт-шинчилекчизи, музейниӊ ажылдакчызы Татьяна Верещагина тодаргай тайылбырлап берген.
«Бии-Хемниӊ улуг назылыглар төвүнге аалдап келгенивиске аажок өөрүп тур бис. Дыка ажыктыг болгаш солун чүүлдерни силерден көрүп билип алдывыс. Кызыл хоорайже чалап тур бис» – деп, Кызылдыӊ улуг назылыглар төвүнүӊ удуртукчузу Любовь Лунгова ужуражылганы түӊнеп чугаалаан.
Тывада Социал фондунуӊ медээзи-биле Р. Демчик белеткээн.