«РФ. Туризм корпорациязы» АН-ниң чиңгине директору Сергей Суханов болгаш Тыва Республиканың Чазак Даргазының бирги оралакчызы Владимир Донских «РФ.Туризм корпорациязы» АН-ниң регион-биле туризмге хамаарыштыр кады ажылдажылгазының дугайында чугаалашкан.
Чылдың дөрт эргилдезинде Россиядан болгаш даштыкыдан келген туристерниң кичээнгейин бойдустуң чайгаар бүткен чараш черлеринче маршруттар, эмнээр, кадыкшыл быжыглаар экологтуг туризм хаара тудуп турар.
«Тыва Республиканың девискээринге «РФ. Туризм корпорациязы» АН-биле кады туризмни хөгжүдериниң чылдагааннары хөй. Малгаш болгаш аржаан суглар-биле эмненир курорттар ажыдар төлевилелдер-биле кады ажылдажылганы эгелеп болур. Тывага туризм республиканың экономиктиг хөгжүлдезинге улуг идиг болур дээрзи чугаажок» – деп, Сергей Суханов демдеглээн.
«Кадыкшыл быжыглаар, эмнээр, аңнаар-балыктаар, этнографтыг дээш туризмниң аңгы-аңгы хевирлерин саналдап болур бис. Азияның төвү Тывада дээрзи бадыткаттынган. Тываның кайгамчык чараш черлерин Россияның Президентизи В.Путин эргээн дээрзин бүдүн делегей билир. Бистиң кол хүлээлгевис – келген аалчыларга таарымчалыг байдалдарны тургузары. Ынчангаш «РФ. Туризм корпорациязы» АН-ниң деткимчези биске чугула херек» – деп, Владимир Донских чугаалаан.
«РФ. Туризм корпорациязы» АН биле Тыва Республиканың кады ажылдажылгазы ооң мурнунда туризмни кады хөгжүдер дугайында чардынган керээзин езугаар боттанып турар.
А.ОНДАР белеткээн.
Чуруктарны интернте тчеткизинден алган.