Тускай шериг операциязының киржикчизи, эки турачы Кан-Демир Лопсан-Комбу: "Амгы үеде ажылдай бердим, келир чылын өөренир мен"

Кан-Демир Лопсан-Комбу – тускай шериг операциязының киржикчизи, эки турачы Тываның Баштыңының Айыткалында тускай шериг операциязының киржикчилеринче, оларның өг-бүлелерынче улуг кичээнгейни угландырганын онзалап чугаалаан:

- Тываның Баштыңының даалгазы езугаар, мени онза кичээнгейге алган. Республиканың хамааты камгалал болгаш онза байдалдар албанының Шагаан-Арыгда кезээнде амгы үеде ажылдап эгелей бердим, а келир чылын эртем-билиг чедип алыр дээш өөренир планныг мен. Владислав Ховалыгның Айыткалында тускай шериг операциязының киржикчилеринче, оларның өг-бүлелеринче кичээнгейни угландырганын деткип тур мен. Ол ышкаш аныяктарга хамааржыр дыка хөй ажыктыг чүүлдер бар-дыр. Төөгүвүстү өөренир, тыва культураны, езу-чаңчылдарны шиңгээдир, күш-ажылга чаңчыктырар дээнин онзалап демдеглээнинге дыка таарзындым.

ТР-ниң Чаазаның парлалга албаны