2023 чылда республикага чурагайлаашкынның түңнелдери-биле Тыва бедик көргүзүглүг болган. Ооң дугайында бодунуң хууда блогунга Тыва Республиканың чурагайлыг хөгжүлде сайыды Идегел Монгуш бижээн.
«2023 чылдың түңнелдери-биле экономика болгаш социал адырларны чурагайжыдарының талазы-биле Тыва планнарын ажыр күүсеткен.
Мурнады көөр сорулгалыг беш адырның— өөредилгениң, кадык камгалалының, хоорай ажыл-агыйының хөгжүлдезиниң, социал адырның болгаш күрүне эргелеп-башкарылгазының көргүзүглериниң талазы-биле план ёзугаар 51 хууну чедип алыр тургаш, 73,8 хуу көргүзүглүг болдувус. Республикада көскүлең калбак ачы-дузаның хемчээли улгаткан, чурттакчы чоннуң 68,1 хуузу «Күрүне ачы-дузазы» порталдың сервизин ажыглап турар. «Чурагайлаашкынче шилчидилге» национал төлевилелдиң сорулгалары ажыр күүсеттинген» — деп, ол бижээн.
Бистиң корр.
Чуруктарны интернет четкизинден алган
“Шын” №36 2024 чылдың май 18