Бөдүүн үеде тывалар чиңге-тараа биле арбайны хөй эвести күскү болгаш часкы одарларның чоогунга тарып ап чораан. Тарыыр черлерни хемнерден ийикпе, азы хем адырыктарындан бичии бугажыгаштар каскаш, суггарып ап турган. Чер аңдарар херексели бажында бичии демир бистиг ыяш андазын бооп турган. Тарааны бижек-биле кезип, азы молдуруктай сыйып ап, бөдүүн шаңнарга бастырып, ол бастырарда, эки таптааш, тазартыр эжип каапкан шаңга сыптыг тарааны чаткаш, ооң кырынга шарыларын ийикпе, азы аъттарын сүрүп, бастырып турган. Тарааны бичии хөл дээрбелеринге тыртырып ап турган.
"Тываның төөгүзү". – А.К.Делгер-оол. – Тываның дыл, литература болгаш төөгүнүң эртем-шинчилел институду. - Тываның ном үндүрер чери. - Кызыл - 1966. – арын 208.