Красноярскиниң экономиктиг шуулганы
Бөгүн Красноярскиниң экономиктиг шуулганының иштинге Тыва, Хакасия болгаш Красноярск крайның аразынга "Енисей Сибири" төлевилелдиң киржикчилериниң кадрлар-биле хереглелин чүмнээриниң талазы-биле стратегтиг кады ажылдажылгаже угланган хемчеглер түрүүнге ат салдынган.
ТР-ниң чазааның оралакчы даргазы Меңги Кара-оолдуң тайылбырлааны-биле алырга, ук хемчеглер түрүү Тывага эргежок чугула, чүге дизе республика элээн хөй инвесторлар-биле кадрлар шинээниң 60 хуузун тус черниң чурттакчылары-биле долдурарының дугайында дугуржулга-керээлерни чарган.
“Кожавыста регионнарның ортумак болгаш дээди өөредилге черлери бистиң инвесторларывыска кадрларны Тывадан барган кижилерниң санындан белеткеп бээри тоң чугула” — деп, Меңги Кара-оол чугулалаан.
Ук дугуржулга регионнуң чурттакчыларын ажыл-биле хандырар, оларның орулгазын бедидер хүлээлгелиг.
А. ХЕРТЕК очулдурган.