Тыва Республиканың оперативтиг штавы терроризмге удур өөредилгени эрттирген

Национал терроризмге удур комитеттиң даргазының бадылаан 2023 чылдың планы ёзугаар Барыын-Хемчик кожуунга ТР-ниң оперативтиг штавының удуртулгазы терроризмге удур өөредигни чоруткан.

Ук хемчеглерни эрттирип турар үеде девискээр органнарының, федералдыг органнарның күүсекчи эрге-чагыргазының, ТР-ниң күүсекчи эрге-чагырга органнарының болгаш тус черниң бот-башкарылгазының кады ажылдажылгазының айтырыгларын өөредилге үезинде ажылдап кылган. Өөредигни эрттирер сорулгалыг тургустунган бодал-биле Россияның ИХЯ-зының Барыын-Хемчик кожуунда кожууннар аразының килдизиниң дежурный телефонунче Барыын-Хемчик кожууннуң Барлык сумузунуң чагыргазының ажылдакчызындан билдинмес үш кижи чагырганың оран-савазынче оттуг чепсек-биле боолаашкын кылган, чуртталга бажыңынче частыр чүүлдүг шил октапкан деп медээни дыңнаткан.

Тодаргай сценарий-биле эрттирген өөредиглиг байдалда терроризмге удур чорудар хемчеглерни болгаш практиктиг шимчээшкиннерни планнаар ажылды чоруткан. Ооң түңнелинде улаштыр белеткенир болгаш аңгылаттынган күчү-күштү, херекселдерни ажыглаары-биле немелде хемчеглерни ажылдап кылган.

Россияның Федералдыг айыыл чок албанының Тыва Республикада эргелелиниң парлалга албанының медээлеринден