Игорь ИРГИТ, Россияның Чогаалчылар эвилелиниң кежигүнү
ДҮЖҮҢ БОЛЗУН
Хүн эрткен, дүн-даа келген.
Кайгамчыктыг чараш арның
Караңгыда көзүлбес бол,
Күштүг соккан чүрээң даажы дыңналы-дыр.
Хүлүмзүрээн эриннериң ошкап кагдым,
Хамык бүгү бодалдарым эстип, чидип,
Кара чаңгыс ынакшылга уярадым.
Күннээр туржук, тынарындан сестир-дир мен.
Сактырымга, чалыы, чаагай аас-кежиим
Эмин эрттир нарын, хээрек, бустуучал дег.
Чаңгыс чүгле чандыр сөглээн доңгун сөзүм
Эдип хоржок уржуктарны үндүргү дег.
Чаражым сээ өпей ырым ырлап берейн,
Эрге-чассыг ынакшылым дүжүң болзун.
1984
"Шын" №25 2023 чылдың апрель 8
#Шынсолун #Тывадыл #Тыва #Тывачогаал #ИгорьИргит