Башкортостанга июль 23-те эгелээн «Кады бис. Спорт» деп сурдолимпийжилерниң чайгы оюннарынга делегейниң 30 аңгы чурттарындан спортчулар киржип турар.
Россияның чыынды командазының составында Тываның спортчулары база бар: Дженни Чамыян (дзюдо), Экер Сат (хостуг хүреш), Бойгал Айлак (самбо), Чаяна Ооржак (дзюдо), Чечек-оол Дувендей (самбо) база Эртине Тулуш (хостуг хүреш).
Сурдолимпийжилерниң делегей чергелиг чайгы оюннары август 2-де доостур.
«Кады бис. Спорт» деп сурдолимпийжилерниң чайгы оюннары – делегейде 2023 чылда эң-не улуг спортчу болуушкуннарының бирээзи. Бо улуг маргылдаа Уфа хоорайның 13 спортчу объектилеринге болур.
Тываның спортчу хемчеглер албанының медээзинден.
"Шын" №55, 2023 чылдың июль 26