Тывага 2025 чылда — 150 километр ажыг, 2026 чылда — 120 километрден узун, ниитизи-биле 270 километр узун дурттуг оруктарны чаарткан. Регионнуң оруктарында тротуарларны чадып, оруктарда чырыдыышкын шугумнарын шөйүп, светофорларны тургузуп, чадаг кижилерге айыыл чок байдалды хандырып турар.
“Айыыл чок чорукту хандырары” Бүгү-российжи социал кампанияның эгезиниң регион чадазынга тураскааткан парлалга конференциязынга айыыл чок чорукту бедидериниң хемчеглериниң дугайында чугаалап берген.
Оруктарга бичии ажы-төлдүң кемдээр чоруун чок болдурарының баш бурунгаар хемчеглеринче онза кичээнгейни угландырган. Уругларны өөредиринге автохоорайжыгаштарны болгаш “Айыыл чок чоруктуң лабораториязы” көжүп чоруур комплексти ажыглап турар. Күрүнениң автоинспекциязының медээлери-биле алырга, республикада орук-транспорт озал-ондааның 90 хуузунга чолаачылар буруулуг.
“Чуртталгага инфраструктура” национал төлевилелдиң “Оруктарга айыыл чок шимчээшкин” федералдыг төлевилелиниң угланыышкынынга ук кампания чоруп турар. Назы-хар аайы-биле аңгы-аңгы бөлүктерге өөредилге хемчеглерин, интерактивтиг шиилерни, лекцияларны болгаш дискуссияларны эрттирип турар.
“Айыыл чок чорукту бурунгаарладыры” социал кампанияның парлалга албаны.
Чурукту Орук-транспорт яамызындан алган.
«Шын» №41 2026 чылдың октябрь 22
"Шын" солуннуң МАХ-каналынга каттыжыңар: max.ru/channel_shyn