2021 чылдың январь – апрельге деңнээрге, Тыва чуртталга бажыңнарын тудуп дооскаш, ажыглалче киирерин 3,9 катап көвүдеткен.
2022 чылдың январь – апрельде республикада социал-экономиктиг хөгжүлдениң түңнелдерин Тываның Чазаанга үндүрген. Эрткен 2021 чылдың 4 айынга деңнээрге, регионнуң тудуг адырында боттуң күжү-биле кылдынган ажылдарның хемчээли 4,9 хуу өскен. Республиканың Тудуг яамызының демдеглээни-биле, ылаңгыя орук ажыл-агыйы бурунгаар базымны бүзүрелдии-биле кылган.
Чуртталга тудуунуң хемчээли 47 хуу улгаткан. А оларны ажыглалче киирери 3,9 катап өскен. 2021 чылдың январь – апрель айларының көргүзүглеринге деңнээрге, хуу тудуглар шапкынчып, чыл эгезинден бүрүткелге тургускан чуртталга шөлүнүң хемчээли 32 хуу хөй болган. Хуу бажыңнарның 30 ажыг хуузун чер бажың тударынга база хуу дузалал ажыл-агыйы чорударынга чөпшээрээн девискээр черлерде туткан. База ол ышкаш хуу тудугларның 43 хуузу садчылар ниитилелиниң девискээрлеринде туттунган.
Тываның Чазааның парлалга албаны.
В. Шайфулинниң тырттырган чуруу.