Чайгы үеде эштиринге таарымчалыг шупту хоорай пляжтары дүрүм езугаар каш негелделерге дүгжүр ужурлуг. Ол дээрге санитарлыг нормалар, айыыл чогу, инфраструктуразы, камгалал албанының бары дээш оон-даа өске.
ЧуруктарныОл нормаларның сагылгазын Росхереглелхайгааралдың специалистери болгаш өске-даа хоорай албан черлери хайгаараар. Кандыг-бир хажыдыышкыннар тыпты бээр таварылгада, кайы-бир хем, хөл эриинде пляж эштиринге таарымча чок деп санаттынар болгаш ажылдаар чөпшээрелди албайн барып болур.
Кайы-бир пляжче баар мурнунда тус черниң чагыргазының база оперативтиг албанның сайтыларындан ооң ажыл-чорудулгазының дугайында эки ылавылап билип алырын сүмелеп турар.
Бо чылын Тывага чеже пляжтар ажылдаарыл?
• Кызыл хоорайда Улуг-Хем хемниң адырында культураның болгаш дыштанылганың Национал парыгының девискээринде;
• Мөңгүн-Тайга кожууннуң Ак-Хөлде;
• Таңды кожууннуң Чагытай хөлде;
• Чагытай хөлдүң соңгу талазында;
• Тожу кожууннуң Азас хөлде.
Чуруктарны интернеттен алган.
«Шын» №46 2024 чылдың июнь 22