Чурттаар оран-сава тудуп кылырынга боттарыныӊ үлүүн киириштирер сорулгалыг организацияларныӊ 219 керээлерин 2022 чылдыӊ январь-ноябрь айларда бүрүткээнин Тывада Росреестр эргелели дыӊнадып турар.
Тудуг ажылынга мергежээн кызыгаарлаттынган харыысалгалыг организациялар Кызыл хоорайда каът бажыӊнарны тудуп турар.
Найысылалдыӊ Сагаан-оол кудумчузунда 4 дугаарлыг каът бажыӊны «Восток», а Суворов кудумчузунуӊ 62/1 дугаарлыг бажыӊныӊ барыын талазында каът бажыӊны «Азимут», Полигонная кудумчузунуӊ 2 дугаар бажыӊыныӊ барыын талазында каът бажыӊны «Энергострой», Ленин кудумчузунда 54 дугаарлыг бажыӊны «Новый город» организациязы тудуп кылырын хүлээнип алган.
- Бир эвес көргүскен документилеринде чазыглар болгаш сагындырыглар чок болур болза, үлүглүг тудуг ажылынга киржириниӊ дугайында керээлерни чаӊгыс ажыл хүнүнүӊ дургузунда күрүне бүрүткелин кылып бээр – деп, Тывада Росреестр эргелелиниӊ удуртукчузу Светлана Түлүш дыӊнаткан.
Тывада Росреестр эргелелиниӊ медээзи-биле Р.Демчик белеткээн.
Тывада үлүглүг тудуглар
17 января 2023
35