Коронавирус аарыының Тывага нептерээни-биле холбаштыр чонга хөй-ниити черлеринге ыяап-ла маска кедер негелдени киирген турган болгай. Республикада аарыгның шеглеп турары-биле холбаштыр онза шыңгыыраткан турган негелделерни чиигедип эгелээн.
Бо хүн Тываның Чазааның хуралынга ТР-де Росхереглелхайгааралдың удуртукчузу республиканың кол санитар эмчизи Людмила Салчак регионнуң удуртулгазынга чурттакчы чонга ыяап-ла маска кедер негелдени соксадыр саналды киирген.
Сөөлгү неделяларда Тывада лабораторияга бадыткаттынган чаа коронавирустан аараан таварылгаларның эвээжеп турары демдеглеттинген. Сентябрь 26-дан октябрь 2-ге чедир неделя дургузунда 10 муниципалитеттерге 54 аараан чаа таварылгалар бүрүткеттинген турган, ол дээрге ооң мурнунда неделяга деңнээрге, 68,9 хуу эвээш болуп турар. Бо эрткен хонукта чүгле 5 аарыг кижи илереттинген. Ынчангаш аарыгны шеглээн деп болурунуң бүгү барымдаалары бар.
Тывада маска кедер негелдени соксаткан.
3 октября 2022
134