Тывада регионалдыг ие (өг-бүле) капиталын 5,2 хуу өстүрген

Тывада ие капиталының регионалдыг хемчээлин эде көрген. 2023 чылдың январь 1-ден ооң хемчээли 2022 чылга деңнээрге, 3175 рубль көвүдеп, 60909 рубль апарган. Республика Чазааның 2023 чылдың март 29-та №193 доктаалында доктааткан 1,055 хуу-биле ону индексастаан.

2012 чылда бешки база оон ыңай ажы-төл төрүттүнгенде регионалдыг ие (өг-бүле) капиталын тыпсырын Тывага тургускан, ооң бирги алыкчылары 50 муң рубльди алган. 10 чыл иштинде пособиениң түңү өскен, ону 1494 өг-бүле ажыглаан.

Баш бурунгаар санаашкыннардан көөрге, ам 2023 чылда сертификатты 175 кижи алыр. Республика бюджединде эде санааны-биле 10,6 млн ажыг рубльди аңгылаан.

Өг-бүлеге ие капиталын бээриниң чуруму езугаар, ол акша-хөреңгини чурттаар черин септеп азы тудуп алырынче, ипотека чээлизин төлээринче, ажы-төлүн эртемге чедиреринге, ЫМК ачы-дузаның магадылалдыг программазындан ажа берген эмчи дузазын төлээринге, уруглар садын төлээринче киириштирип болур.

#ТываЧазак #Тыва #Шынсолун #Иекапиталы #Социаладыр