Бөгүн, февраль 6-да, Россияның күрүнениң теле-радио компаниязындан үш корреспондент ажыл-агыйжы сургакчылаашкын-биле Тывада аалдап келген. Олар республиканың ажыл-амыдыралының, ооң үлетпүр бүдүрүлгелери болгаш ёзу-чаңчылдарының дугайында сюжетти тырттырып кылыр.
ТР-ниң Чазааның медээзи-биле алырга, бөлүк журналистер шериг албанныгларга болгаш оларның өг-бүлелеринге дуза чедирер Каттышкан штабче, Тываның тускай хөгжүлде программазының объектилеринче, «Лунсин» КХН, Алдын-Булак болгаш оон-даа өске черлерже барып ажылдаар.
Москвадан келген журналистер бо неделяның төнчүзүнге чедир республика дугайында материалдарны чыып тырттырар.
Тывада ВГТРК корреспондентилери аалдап келген
6 февраля 2023
70