Тывадан Донбассче ээлчеглиг ачы-дуза.

Республиканыӊ чурттакчы чону болгаш күш-ажылчы коллективтери Донбассче дузаламчыны чыггаш, удаа-дараа чорудуп турар.

Тускай шериг операциязыныӊ эгелээнинден бээр 50 хире тонн деӊзилиг чүъктү чоруткан. Ачы-дуза чедирер күзелдиг кижилер аъш-чем, идик-хеп, эм-таӊ аймаа болгаш өске-даа чугула херектиг чүүлдерни эккеп турар. Оларныӊ бир кезээн Луганск болгаш Донецк улустуӊ республикаларны камгалап турар шериглерге, а чамдыызын украин националистерден хостаан черлерниӊ чурттакчыларынга чедирип берген.

Бо удаада дузаламчы кылдыр: портативтиг зарядкаларны, термостарны, плащтарны, майгыннарны, газ балоннарны, горелкаларны болгаш чунар херекселдерни мөөӊү-биле чоруткан.

Республиканыӊ найысылалында болгаш шупту кожууннарында ачы-буянныг дузаламчы хүлээр пунктулар бар.

Кызылда доктаамал ажылдап турар пунктунуӊ адрези: Кочетов кудумчузу, 155 дугаарлыг бажыӊ. А кожууннарда Өг-бүле болгаш уругларга социал дуза чедирер төптерде дузаламчыны хүлээп турар.